TXISTU BANDA

Aurreko astean Barakaldoko txistu bandakoak eskolara etorri ziren eta 5. mailakoekin  egon ziren. Txistuaren inguruko historia eta bitxikeriak kontatu zizkiguten eta haien musika entzuteko aukera izan genuen ere.

GURE 8. IRRATI SAIOA MARTXAN

Kaixo, lagunak. Hemen duzue gure irrati saio berria. Disfrutatu! Guk gogoz egin dugu.
Audio recording >>

ZIENTZIA ETA NESKAK

Bideoaren jatorria

Emakume eta neska Zientzialarien Nazioarteko Eguna ospatzeko 4.mailako haurrak Clara Campoamor kultur etxera joan dira antolatutako ekintzetan parte hartzeko.
Ikusi nahi? Hemen duzue beraien BLOGA

Liburutegiko arduradunak, Andreak, eskolako espazio ezberdinetan emakume eta neska zientzialarien informazio interesgarria begibistan jarri digu. Lasaitasunez irakurtzeko aukera ederra izan dugu baita gure artean hitz egiteko ere.
Mila esker

LIBURUTEGIA

Andrea, liburutegiko arduradunak liburu hauek proposatzen dizkizuete, interesa baduzue liburutegitik pasatu eta maileguan eskatu.

• 10urtetik aurrera:

Martzelo itsua
Maite Mutuberria Larrayoz Pello Añorga López  2018

Martzelo haur itsu bat da. Halere, nahiz eta itsua izan eta begiak erabili ez beste haurrek bezala, oso ondo baliatzen da gainontzeko zentzuekin; esan nahi da eskuekin edo belarriekin. Hain ondo entzuten du, hain ondo ukitzen eta usaintzen, ezen, begien faltan, badirudi ikusi egiten duela belarriekin, ikusi eskuekin eta ikusi sudurrarekin. Halere, haur batzuek uste dute haur gaixoa dela. Baina, ez da gaixoa. Hori oso ondo daki Marimattalen Katiuxkak.

• Baloreak lantzeko, 6 urtetik 8 urtera  (Begoña Ibarrola)

Argia teilatupean  

Adela neskatxo urduria da. Egun batean, Nora ezagutuko du, teilatupeko auzokidea, oso emakume berezia, pintorea.  Harreman horri esker, Adelak adi egoteko gaitasuna eta pazientzia garatuko ditu, eta konturatuko da pintatzen ikastea ez dela erraza. Adelak Noraren konfiantza lortu, eta sekretu handi bat konpartituko dute.

Ipuin honen gaia PAZIENTZIA da.

Ibanen mendia

Ibanen herria itsusi samarra da. Etxeak ez daude zainduta eta zaborra kaleetan pilatu da. Aspaldian ez du euririk egin, baina Ibani ideia zoragarri bat bururatu zaio arazo hori konpontzeko. Ikaskideen eta herritarren laguntzarekin, herria berriz edertzea eta jendea gustura bizitzea lortuko du.
Denek egin beharko dute ahalegina eta elkarlanean aritu, zailtasunei amore eman gabe.
Ipuin honen gaia LANKIDETZA da

Eguzkitako betaurrekoal saguzahar batentzat

Saguzahar txiki bati esker, Paulinak bere amets handiena beteko du, neba Jaime eta aitonarekin batera. Aitonak bi umeen ardura dauka gurasoek beste herrialde batera alde egin dutelako lan bila.
Pertsonaia bakoitzak bere beldurrari aurre egin beharko dio, baina denek lortuko dute gainditzea.
Ipuin honen gaia AUSARDIA da.

Talismanaren klana

Mikelek Gerlarien klanean sartzeko eskaera egin du, jakin gabe zer froga zail jarriko dioten. Froga gainditzen saiatuko da, baina barrenak ez dio utziko.
Noarekin duen harremanak eta ipurtargi misteriotsu batzuekin topo egiteak lagunduko diote klan berri bat sortzen eta benetako adiskidetasunaren esanahia ulertzen.
Ipuin honen gaia ADISKIDETASUNA da.

Oharra: laburpen jatorriak ezagutzeko liburuen izenburuetan klik egin, hor estekatu ditugu eta.

JOSTAILUAK ETA BIRZIKLAPENA

Aste hauetan birziklapena lantzen ibili gara. Gauza pilo bat ikasi ditugu. Material birziklaturekin 4 jostailu desberdin sortu ditugu. Azkenik patiora eraman ditugu eta eskolako umeekin jolastu dugu. Denok elkarrekin primeran pasatu dugu. Hemen doazkizue argazki batzuk.

Argazki gehiago ikusi nahi? HEMEN

¿Os gustaría ver más fotos? AQUÍ

BARAKALDOKO ANTZOKIA

Pasa den otsailaren 13an 4 eta 5 urte geletako umeak  Barakaldoko Antzokira joan ginen.

“Inondik inora” saioa ikusi genuen.

Rudy eta Pepo, 5 urte geletako pelutxeak, eraman genituen gurekin eta oso ondo portatu ziren bai autobusean, kalean zein antzokian.

Barre asko egin genuen antzerkia ikusten eta Rudyri eta Pepori  ere asko gustatu zitzaien.

Beste egun batetan berriro joatea nahi dute pelutxeek.

Aiora Sedano, Leire Utxa eta Patricia Urrutia dira obra horren protagonistak eta hiruren artean umorea, poesia, zuzeneko musika eta txotxongiloak uztartzen dituen ikuskizuna eskaini dute . 50 minutu irauten duen emanaldian, postari baten zakutik atera daitezkeen gauzak ezagutuko dituzte, besteak beste.

LORATEGI BOTANIKOA

Barakaldoko lorategi botanikora joan ginen bisita bat egitera. Han landare asko ikusi genituen, usaindu, izenak ikasi eta monitoreek emandako azalpenak arreta handiz entzun genituen.

Eskolara itzuli baino lehen ume bakoitzak hasi bana landatu zuen.

5 urteko umeek gonbidatzen zaituztegu landatutakoa Nola hasi den ikustera.

Anima zaitezte!

BELARRI PREST!

Kaixo: Irrati saio berri bat prestatu dugu. Beti bezala, zuen gustukoa izan daitela espero dugu.
Record and upload audio >>

MATEMATIKA 5. MAILAN

5. mailan zatikiak lantzen ari gara. Baliokidetasunak ulertzeko, manipulatzeko materiala ezinbestekoa da, horregatik, matematika tailerretan horrelako jarduerak egiten ditugu.

TERTULIA DIALOGIKOAK

5. mailan “Jon Azalaren abenturak” liburua irakurtzen ari gara eta horren inguruko tertulia dialogikoak egiten ditugu astero. Astero bi kapitulu irakurtzen ditugu eta guretzat aipagarrienak diren esaldiak aukeratzen eta lantzen ditugu. Jarduera hau aurrera eramateko , eskolako liburutegian  topatu dugu giro aproposena. Maitzan, liburua idatzi duen  Iñaki Zubeldia eskolara etorriko da.

Tertulia dialogikoari buruzko artikuloa

BELARRIAK ERNE!

Ezagutzen duzue Barakaldoko Udal Musika Banda? Oraindik ez? Kontzertu bat egiten dutenean, ez galdu, gero!

Guk, 6. mailakook suerte handia izan genuen, eta kontzertu batera joan ginen. Antzokia gainezka egon zen. Hori bai zalaparta! Musikariak agertu zirenean, isildu egin  ginen eta jotzen hasi ziren. Batez ere, pelikuletako musika jo zuten., marrazki bizidunak… Denak izan ziren ezagunak ,oso politak eta oso alaiak. Guztiok txaloka egon ginen, poz-pozik. Eta amaitu zenean “beste bat, beste bat” oihu egin genuen. Kasu egin ziguten eta beste bat jo zuten.

Berriro joango ginateke.

Entzun, entzun zatitxo hau.

UNIBERTSOARI BURUZKO LAPBOOK-A

2. mailan goitik behera murgildu gara unibertsoaren gaian. Lan handia izan da baina unibertsoari buruzko lapbook ederrak egitea lortu dugu!

1.ziklokoak punk mozorrotuko gara

1. ziklokoak punkie mozorrotuko gara eta prestatuko dugun dantza abesti honekin izango da.
Punk´s not dead

AGATE DEUNA ABESTERA ATERA GARA AUZOTIK

Otsailaren 4an, Agate deuna ospatzeko auzotik atera gara. Oso ondo abestu dugu.

DORRE MADARIAGA

Otsailaren 1ean 4 urteko umeak Dorre Madariagara joan ginen. Oso egun polita izan zen eta primeran pasatu genuen. Hemen dituzue argazki batzuk ikusteko eta gozatzeko.

Argazki gehiago ikusteko argazki gainean klik egin.
Para ver más fotos clic encima.